15 сентября 2019

Дабрачынны гаражны распродаж

21 верасня 2019 года а 12.00 -19.00 Пасольства Швецыі ў Рэспубліцы Беларусь разам з праектам “KaliLaska”, Беларускай палатай моды і “Зялёнай сеткай” арганізуе дабрачынны распродаж рэчаў ва ўнутраным дворыку Пасольства па адрасе вул. Рэвалюцыйная, 15.

“Гаражны” распродаж або “блышыны рынак” па-шведску гучыць як “лопіс”, ад слова loppa, што ў перакладзе азначае “блыха”. Гэта вельмі папулярная з’ява ў Швецыі доўгі час, а з кожным годам яна робіцца ўсё больш распаўсюджанай і ў Беларусі. Пасольства Швецыі ў Мінску запрасіла да ўдзелу прадстаўнікоў дыпламатычных місій, бізнес-супольнасці, сяброў і партнёраў Пасольства. З прыемнасцю можам адзначыць, што шмат хто адгукнуўся і перадаў на “лопіс” свае рэчы. Грошы, атрыманыя на распродажы, пойдуць на дабрачынныя праекты, а непрададзеныя рэчы – тым, каму яны сапраўды патрэбныя.

Асаблівасць мерапрыемства яшчэ і ў тым, што дабрачыннасць у ім спалучаецца з экалагічнай павесткай дня – пераходу да разумнага спажывання штодзённых рэчаў, адзення і ўдумлівага стаўлення да таго, дзе і як арганізавана вытворчасць адзення. Мы прапануем наведнікам прыняць удзел у лекцыях і дыскусіях, арганізаваных Беларускай палатай моды. У якасці спікераў выступяць выкладчыкі дызайну БДУ і ICВ імя А.В. Шырокага і маладыя беларускія дызайнеры, якія прадставяць свае калекцыі аддзення. Пачатак лекцый а 12.30, 13.30, 14.30, 15.30 “Зялёная” сетка прапануе бесплатна даслаць сябрам “зялёную пошту” – паштоўкі з парадамі па ўстойлівым спажыванні. На мерапрыемсстве з музычнай праграмай выступіць вядомы музыка Лёня Паўлёнак.

Наведнікам “лопіса” таксама прапануем паглядзець выставу «Гісторыя шведскай моды», зрабіць фота з сімваламі Швецыі, а найбольш актыўных пакупнікоў чакаюць прыемныя сюрпрызы ад Пасольства.

Перепечатка материалов modalive.by возможна только с письменного разрешения редакции. Подробности здесь

Дабрачынны гаражны распродаж

Правовая информация

Читайте также